Shpopullimi alarmant i Shqipërisë është kthyer në një problem shqetësues për vendin tonë pasi të rinjtë shpresën e vetme e kanë largimin drejt vendeve të zhvilluara europiane.
Së fundmi Shoqata e Transportit Urban ka ngritur shqetësimin se sot as ata nuk kanë punëtorë të kualifikuar, nuk zbatohen oraret dhe nuk jepet shërbimi i dëshiruar për qytetarët. Tani në periudhën e verës ka edhe një rënie të qytetarëve që udhëtojnë me urbanë dhe rrjedhimisht ulje të të ardhurave të operatorëve. Për pasojë shumë punonjës po largohen.
Edhe pse kanë bërë takime të vazhdueshme me qeverinë, asnjëherë nuk i është dhënë mundësia për të ofruar një shërbim më të mirë për shumë arsye.
Që nga koka e pandemisë e deri sot vijon që të ketë mungesa të stafit. Kohet e fundit është bërë edhe më e dukshme sepse nuk po gjendet krah pune dhe me gjasa mund të duhen edhe punonjës nga vendet e huaja, sikurse për profesione të tjera.
