Pas prezantimit të raportit të zgjedhjeve të 14 Majit, kryetari i PD-së, Sali Berisha ka zhvilluar një konferencë me gazetarët.
Gjatë fjalës së tij, kreu i PD-së, Sali Berisha ka thënë se kryeministri Edi Rama nuk ikën me zgjedhje, por me protesta të fuqishme. Berisha ka shtuar se PD-ja do të bëjë gjithçka për largimin e kryeministrit Rama nga pushteti.
“Kjo është hapja e siparit, ju do të ndiqni çdo ditë farsën zgjedhore në qarqe dhe pas kësaj do të shfrytëzohet çdo hapësirë ligjore për të bërë autopsinë e plotë të këtij procesi dhe ju do të jeni këtu. Edi Rama me zgjedheje nuk ikën. Të garantoj se zgjedhjet e 2025-ës, këto që ai ka bërë në këto zgjedhje do të duken xhuxhe krahasuar me ata që ai do të bëjë për karrigen e tyre në 2025-ën. Do të qëmtojmë çdo votë, por zgjedhje nuk bojkotojmë. Në 2025-ën do të ketë zgjedhje, por PD do të bëjë gjthcka për largimin e Edi Ramës. Është në dorën e shqiptarëve. Ne po bëjmë këtë punë me shumë seriozitet dhe përkushtim. Do të bëhet anatomia e plotë e kësaj kalbësire dhe me fakte. Rama nuk ikën me zgjedhje. Edi Rama ikën me protesta të fuqishme të shqiptarëve, të cilët opozita do t’i organizojë”, tha Berisha.
