Shefi i Organizimit të PD-së, Klevis Balliu, ka komentuar këtë të Mërkurë, tensionet në veri të Kosovës, dhe qasjen që kanë mbajtur mediat shqiptare kundrejt situatës.
Balliu shprehet se kësaj situate kritike, nuk i është dhënë vëmendja e duhur nga disa media shqiptare, të cilat sipas tij nuk kanë raportuar asgjë për rrezikun serb që i kanoset Kosovës.
“Mediat e Ramës kundër Kosovës, pro Vuçiçit”,– shprehet Balliu ndër të tjera, teksa shton se ‘qeveria Rama është përfaqësuese direkte e interesave të Beogradit në rajon’
Postimi i plotë:
Te gjitha mediat e Edi Ramës kundër Kosovës pro Vuçiçit
Asnjë gërmë e shkruar apo e artikuluar për krimet e Serbisë në mediat e Ramës, asnjë gërmë për rrezikun serb asnjë gërmë për rrezikun Rus, asnjë gërmë për kërcënimet me gjak, e asnjë gërmë për ministrin e Millosheviçit.
Vetëm sulme ndaj Kosovës, sulme ndaj demokracisë, sulme ndaj Shqipërisë, sulm ndaj kombit dhe cdo shqipëtari.
Tanimë është e qartë se qeveria Rama është përfaqësuese direkte e interesave të Beogradit në rajon.
Si rjedhoje beteja kundër tij nuk është thjeshte politike, por është nje beteje jetike për të mbrojtur Shqipërine dhe interesat tona kombëtare.
