Akademiku Artan Fuga thotë se Akademia e Shkencave nuk ka kapacitete albanologjike për të mbajtur brenda vetes Akademinë e Studimeve Albanologjike.
Në një intervistë në Panorama TV, Fuga u shpreh se albanologjia ka ekzistuar shumë kohë përpara se krijohej Akademia e Shkencave.
“Akademia e Studimeve Albanologjike u shkri me VVKM dhe iu asociua ASH. Kritika ime është se ASH nuk ka kapacitete për të drejtuar kapacitete albanologjike. Nuk është çështja se akademia u kthye atje ku ishte në 2008, por në vitin 1972 kur ajo u krijua bashkë me institutin. Po t’i kthehemi historisë autentike, Institutet e Albanologjisë kanë qenë para se të krijohej ASH. Albanologjia ka që në shekullin XIX kur nuk kishte akademi shkencash në Shqipëri. Nëse doni të kthehemi në modelin monist, kthehemi nuk kam ndonjë gjë kundër. A keni prova që në 2007-ën ecnin këto institute brenda akademisë? Unë po ju them një gjë që të gjithë anëtarët e ASH që punojnë në fushën e albanologjisë nga 2008-ta kanë qenë drejtues të kësaj qendre albanologjike. ASH nuk ka asnjë mundësi të drejtojë këto institute. Anëtarë të ASH që janë në asamble mund të jenë deri në 3 nga 70-80 vjeç. A ka mundësi që 2-3 gjuhëtarë të drejtojnë dhe të votojnë për problemet e institutit të gjuhësisë. Nëse funksionojnë në mënyrë të pavarur pse duhet të futen në Akademi?!”, tha Fuga.
Ai deklaroi se vendimi për shkrirjen e këtij institute është votuar rreth një vit më parë në Akademinë e Shkencave dhe senati i Akademis së Studimeve Albanologjike ka votuar kundër kësaj nisme.
“Në tërë këtë debat unë kam vendosur një gjë, do i qëndroj strikt logjikës shkencore. Unë nuk mund të gjej shkaqe qëllimore. Nuk mund të di se çfarë ka qenë në kokën e kryeministrit apo në kokën e drejtuesit të akademisë. Ministria e Arsimit dhe VKM shkrinë Akademinë e Studimeve Albanologjike ndërkohë në dokumentet e akademisë kjo ishte propozuar një vit përpara. Po të doni ju sjell prova. Asambleja e ASH një vit përpara votuar për shkrirjen e Akademisë së Studimeve Albanologjike dhe integrimin e saj në Akademinë e Shkencave. Kam qenë i pranishëm në mbledhje dhe kam votuar kundër. Kundër ka votuar edhe senati i Akademisë së Studimeve Albanologjike. Që nga ai moment filluan kritikat ndaj kësaj akademie”, deklaroi ai.
