Një aksident ka ndodhur mëngjesin e kësaj të Diele, në aksin rrugor Korçë-Pogradec.
Mësohet se një mmakinë tip “Benz” ka humbur kontrollin e ka dalë nga rruga. Si pasojë kanë mbetur të plagosur dy persona që ishin brenda në mjet, të cilët janë dërguar në spital për ndihmë mjekësore, dhe raportohet se janë jashtë rrezikut për jetën.
“Më datë 02.07.2023, rreth orës 06:50, në aksin rrugor Korçë-Pogradec, në afërsi të fshatit Gurishtë, Maliq, shtetasi L. D., duke drejtuar automjetin tip “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar drejtuesi shtetasi L. D. dhe pasagjeri E. S., të cilët u transportuan për mjekim në spitalin e Korçës”,- njofton Policia.
Grupi hetimor po punon për përcaktimin e shkakut të daljes nga rruga.
