Nga Boldnews.al
Kuvendi i Shqipërisë ka hapur një tender me vlerë 20 mijë euro për materiale pastrimi. Ose më saktë, me këtë shumë, stafi i Kuvendit do të tentojë që të pastrojë b… e deputetëve! Pak javë më parë, qeveria miratoi vendimin për të dyfishuar rrogat dhe shëprblimet e “baballarëve të kombit”, me arsyetimit se “lodhen shumë”.
Në fakt, nderi në këtë rast ishte për deputetët e opozitës, pasi mendojmë, dhe nga ato fakte që kanë dalë në dritë se, deputetët e PS-së as që e dinë se kanë rrogë. Benefitet e tjera janë shumë herë më të mëdha se rroga, pasi këtu futen nderet në punësimë, tendera, favorizimet e bizneseve të caktuara etj, etj. Ndërkohë që për të tjerat mendon Kuvendi, duke nisur nga higjiena në ambientet e Kuvendit.
BoldNews.al ka siguruar dokumentet e një tenderi që ka hapur Kuvendi, me objekt “materiale të ndryshme mirëmbajtje specialisti higjeno-sanitare”. Fondi limit i kësaj procedure është 1.999.575 lekë pa TVSH, ose rreth 20 mijë euro.
- Shpallja e tenderit për blerje materiale higjieno-sanitare dhe lista e këtyre materialeve
BoldNews.al shfletoi dokumentet shoqëruese të këtij tenderi, ku Kuvendi ka një listë të gjatë të materialeve që do të blejë. Kuvendi kërkon solucion zbardhues dhe njëkohësisht dezinfektant për sipërfaqe të ndryshme. Solucion për larje pllakash, xhamash, mobliljesh, sapur për larje duarsh.
Peceta për pastrim pluhurash mikrofibër, shtupa dyshemeje, solucion sgrasatore për heqje yndyrash, ilacc pluhur për larje me dorë apo edhe letër higjenike cilesore me 2 fije. Se pse e kërkojnë me dy fje hajde e merre vesh, kur në fakt ajo vetëm një përdorim ka.
Lista vijon për blerje letër për fshirje duarsh, aromatizues ambientesh (spraj), klor, seka për fshesa muri apo mbajtëse letre higjienike. Dhe, për të gjitha këto, shqiptarët do të paguajnë plot 20 mijë euro për të mbajtur pastër këta deputetë.
Për listën e mësipërme Kuvendi thotë të jenë materiale cilësore. Përshembull, sapuni likud për duar, të jetë me nivel PH 5-8 dhe me nivel tretshmërie 98%-100% në ujë.
“Peceta për pastrim pluhurash me mikrofibra (tip peshqiri) me përmasa jo më shumë se 30×30. Të ketë përbërje mbi 75% polyestër” thuhet në këto dokumente. Më tej vijojnë se letra higjenike me 2 shtresa, pako me 10 rula me nga 120-150 ndarje. Letra të ketë ngjyrë të bardhë dhe material cilësor. Natyrisht, mos t’u lërë shenjë!
