Rinumërimi i 18 kutive për bashkinë Kuçovë, që nisi mëngjesin e kësaj të Premte në Kolegjin zgjedhor, ka përfunduar.
Procesi nisi pas kërkesës së kandidatit të koalicionit “Bashkë Fitojmë”, Lefter Maliqi për rivlerësim të votave dhe shpalljen e pavlefshmërisë së zgjedhjeve në këtë bashki.
Pas përfundimit të rinumërimit, kandidatit të PS Kreshnik Hajdari iu hoqën 9 vota, kandidatit të koalicionit “Bashkë Fitojmë” Lefter Maliqi iu hoqën 4 vota dhe kandidatit të PD-së së vulës, i’u hoqën 2 vota.
Ndërkohë kujtojmë se më herët u raportua së gjatë procesit të numërimit janë konstatuar shkelje. Ndërsa ka pasur gjithashtu edhe përplasje mes sekretarit të KQZ-së, dhe kandidatit të Koalicionit “Bashkë Fitojmë”, Lefter Maliqit, pasi ky i fundit ka deklaruar se ka pasur parregullsi.
