Autoritetet italiane kanë arrestuar ditën e sotme një 18 vjeçar shqiptar pasi akuzohet për trafik të lëndëve narkotike.
I riu është identifikuar në kuadër të veprimeve të kontrollit territorial me qëllim parandalimin dhe luftimin e trafikut të drogës, me kallëzim të disa banorëve të zonës.
Sipas mediave të huaja, veprimtaritë hetimore u shtrinë në dhomën e banuar në objektin e akomodimit aty pranë, ku u sekuestruan 25 doza të tjera kokainë tashmë të paketuar dhe rreth 3000 euro në kartëmonedha të prerjeve të ndryshme. Në përfundim të aktivitetit u sekuestruan 27 doza kokainë në total rreth 20 gramë.
I riu u transferua në burgun Spini di Gardolo.
