Avokatja e Alma Kaçit, vajzës që shfaqet në video me ish-kryebashkiakun e Kukësit Safet Gjici, ka dhënë një prononcim për mediat, pas vendimit të Gjykatës, e cila caktoi masën e sigurisë “Arrest në shtëpi”.
Në një dalje për mediat, avokatja, Natasha Velia, shprehet se Kaçi ka një fëmijë të mitur dhe nënën e sëmurë si dhe është personi i vetëm që siguron të ardhura, ndaj kërkoi të hetohej e lirë.
Ajo theksoi se klientja e saj nuk ka tentuar të largohet dhe nuk ka bashkëpunëtorë.
“Ka një fëmijë të mitur dhe nënën e sëmura ndaj kërkova të ishte pa masë fare. Është i vetmi person që sjell të ardhura në shtëpi. Gjykata nuk pranoi, do vijojë hetimi në këtë masë. Nuk ka bashkëpunëtorë absolutisht. Nuk ka tentuar të largohet, ka një fëmijë”, tha avokatja Velia.
Lexo edhe:
Në pranga për korrupsion pas video-skandalit, GJKKO lë në burg Safet Gjicin – Dëshmitë
