Moti i keq me reshje intensive shiu e breshëri, ka shkaktuar përmbytje masive në Kosovë, me pasoja fatale.
Lidhur me këtë situatë ka reaguar edhe kreu i Partisë Demokratike, Sali Berisha. Përmes një postimi në rrjetin e tij social fb, Berisha ka ndarë pamje nga situata aktuale teksa shpreh ngushëllime për familjen e viktimave.
Ndër të tjera Berisha shkruan se kjo është një situatë alarmante.
Postimi i plotë:
Shumë zona në Kosovë po përballen me përmbytje masive, si pasojë e reshjeve të dendura të shiut.
Kjo situatë alarmante ka sjellë dëme të mëdha, për fatin e keq edhe viktima. Nënë e bir, nga Peja, kanë humbur jetën si pasojë e këtyre përmbytjeve.
I shpreh ngushëllimet e mija familjes së viktimave. Zoti ua lehtësoftë dhimbjen e tejskajshme.
Shpresoj që situata të zgjidhet sa më parë dhe të mos ketë tragjedi të tjera.
