Autoritetet franceze kanë dënuar këtë të Enjte me 18 muaj burg një shtetas shqiptar, i akuzuar për përfshirje në trafikun e lëndëve narkotike.
Mediat e huaja bëjnë me dije se 27-vjeçari, emri i të cilit ende nuk bëhet me dije, ishte pjesë e rrjetit të trafikut të drogës në Lion, dhe paguhej 2000-2500 euro në muaj për shitjen e heroinës dhe kokainës.
Ndërkohë mësohet se gjatë kontrollit fizik në banesën e të riut, policia gjeti dhe sekuestroi 108 gr heroinë, 15 gr kokainë dhe para cash.
Përveç dënimit më 18 muaj burg, 27-vjeçarit i është ndaluar hyrja në Francë për 10 vitet e ardhshme.
