Sipas gazetarit Erl Murati, synimi i Lulzim Bashës, i cili po tenton të marrë drejtimin e PD-së së vulës është i qartë, ku kërkon të futet në garë dhe shpreson të jetë një “king maker” në politikë.
I ftuar në Syri tv, Murati deklaroi se Basha shpreson që Edi Rama në vitin 2025 të bëjë koalicionin qeverisës me atë dhe jo me PSD-në e Tom Doshit.
“Nëse e shohim në sytë e opinionit publik kjo është një çmenduri që po ndodh në PD-në zyrtare dhe ku sado pak që kanë mbetur janë forcë e tretë politike dhe brenda saj janë 100 rryma dhe 100 ide.
Ata duhet të ja kishin dorëzuar dje vulën Bashës dhe karrigen sepse kryetari Basha ja ka dhënë vulën gjykata, pra pushteti dhe se nuk mund të ja marrësh dot pasi me ndihmën e pushtetit vazhdon të jetë de jure me ndihmën e pushtetit vazhdon të rrijë akoma në krye të asaj partie.
Basha do të jetë king maker në politikë dhe për mua e gënjen mendja dhe me këtë ndarje opozita do të mbetet me 40 mandate dhe PS do të marrë 100 mandate.
Këta akne një të mirë që flasin në tavolina dhe e gënjen mendja që me ndihmën e partnerëve ndërkombëtarë do të eliminojnë Tom Doshin dhe Edi Rama do ti thotë Bashës që më mirë e bëj me ty qeverisjen sesa me Tom Doshin. Duhet të kemi parasysh se me çdo projeksion PD zyrtare nuk do të marrë më shukmë se 1-3 mandate.” – tha Erl Murati.
