Betimi i kryebashkiakut Erion Veliaj, një ditë më parë në një vend të pazakontë si tarraca e Bashkisë, solli jo pak reagime në rrjet nga figurat politike por jo vetëm.
Së fundmi kjo situatë është komentuar edhe nga aktivisti dhe pedagogu Ervin Goci, i cili e konsideron një veprim shumë të rëndë.
I ftuar në SYRI TV, Goci u shpreh se Veliaj i ktheu shpinën qytetit që ditën e parë. Ndër të tjera ai shtoi se betimi u bë si një ceremoni simbolike dhe jo ligjore ashtu sic duhet të ishte.
‘Simbolika e betimit të Veliajt në tarracë është e rëndë, sepse praktikisht i ka kthyer shpinën qytetit, sepse të gjithë ata të zgjedhurit janë me mijëra votues që i kanë votuar. Këshilltari është formacioni që ka kontaktin më të afërt me qytetarin dhe realisht i di hallet e përditshme të qytetarit.
Mua më intereson shumë se ai i kthen shpinën qytetit, dhe bën një shkelje ligjore dhe e bën para të gjithëve pa asnjë problem. Fton edhe disa autoritete fetare atje, që nuk e kuptoj se çfarë duan ata atje, sepse ajo nuk është një ceremoni simbolike, por një ceremoni ligjore. Trupi që është më i rëndësishëm që e konstituon kryetarin dhe institucionin e bashkisë është Këshillit, aty merren vendimet, miratohet dhe buxheti. Ku shkon ti dhe del në tarracë atje dhe luan tenis me raketa etj’,- u shpreh Goci.
