Një poster që paralajmëron një protestë para godinës së Kryeministrisë ka qarkulluar në rrjetet sociale ditën e sotme, në lidhje me qëndrimin e Shqipërisë për situatën në Kosovë.
Posteri me thirrjen “Dje, sot, nesër, përjetë bashkë”, paralajmëron një tubim për ditën e nesërme në orën 19:00.
Besohet se shkak për thirrjen kanë qenë deklaratat e kryeministrit Rama në lidhje me situatën në Kosovë, të cilat janë kritikuar si jo në të njëjtën linjë me Prishtinën.
Kujtojmë që në mënyrë të njëanshme, kryeministri Edi Rama anuloi takimin e dy qeverive të planifikuar prej disa muajsh në Gjakovë, vendim i cili ka sjellë kritika të ashpra ndaj qeverisë shqiptare.
