Autrori i ‘Masakrës së Lushnjës’ Laert Haxhiu, pritet të ekstradohet drejt Shqipërisë.
Vendimi për ekstradimin e tij është miratuar këtë të mërkurë nga drejtësia greke, bazuar në kërkesën dhe aktet e përcjella nga pala shqiptare.
Në të njëjtën seancë është refuzuar kërkesa për azil e Haxhiut. Sipas avokatit Hysi, vendimi i Gjykatës së Janinës do të ankimohet në Apelin e Patras.
“Do të vijojmë betejën ligjore në të gjitha shkallët e gjykimit“, tha avokati Hysi.
Laert Haxhiu, u shpall në kërkim për masakrën e Lushnjës në 2017, ku u vranë Zamir Latifi dhe Jurgen Hoxha, por u shpëtoi shënjestra, Xhulio Shkurti, nipi i Aldo Bares, kreu i bandës së Lushnjës.
Haxhiu, u kap më 24 Maj të këtij viti, në Janinë nga policia greke dhe me vete kishte një leje qëndrimi greke të falsifikuar me emrin Mikis Askalidis, 32 vjeç, lindur në Gjeorgji. Haxhiu u arrestua nga policia greke me qëllim ekstradimin e tij drejt Shqipërisë, dhe sot është miratuar ky vendim.
