Kreu i Partisë së Lirisë është takuar këtë të premte me Grupin e Këshilltarëve të kësaj force politike, për të diskutuar për ato që Ilir Meta i quan çështje kritike dhe me të cilat përballen çdo ditë qytetarët e Tiranës.
Sipas tij, këto çështje do t’i nënshtrohen menjëherë llogaridhënies së vazhdueshme dhe verifikimit me shumë përgjegjësi e vendosmëri nga Këshilltarët e Partisë së Lirisë. Koalicioni “Bashkë Fitojmë” ka fituar 15 anëtarë në Këshillin Bashkiak të Tiranës.
Grupi i Këshilltarëve të Partisë së Lirisë në Këshillin Bashkiak të kryeqytetit ka kryetar Endrit Braimllarin, nënkryetar Genc Gjokutaj dhe sekretare Eriona Bixhën.
“U diskutuan gjerësisht çështjet tepër kritike me të cilat përballen sot qytetarët në Tiranë dhe shqetësimet në rritje të tyre, që lidhen drejtpërsëdrejti me keqadministrimin dhe shpërdorimin ekstrem të taksave të qytetarëve nga Bashkia e Tiranës.
Këto çështje do t’i nënshtrohen menjëherë llogaridhënies së vazhdueshme dhe verifikimit me shumë përgjegjësi e vendosmëri nga Këshilltarët e Partisë së Lirisë”, shkruan ndër të tjera Ilir Meta, kryetar i Partisë së Lirisë.
