Miliona njerëz në Amerikën e Veriut janë këshilluar të mbajnë maska ”N95” jashtë për shkak të cilësisë së dobët të ajrit të shkaktuar nga zjarret intensive në Kanada.
Nju Jorku do të fillojë shpërndarjen e maskave falas, ndërsa kanadaja zyrtare ka thënë se ”njerëzit duhet të mbajnë maskë nëse nuk janë në gjendje të qëndrojnë brenda”.
Smogu pritet të përhapet përtej Nju Jorkut, pra edhe në zona të tjera të Bregut Lindor. Zyrtarët paralajmërojnë se kushtet e rrezikshme të tymit pritet të vazhdojnë edhe gjatë fundjavës.
Pjesa më e madhe e tymit vjen nga Quebec, ku po digjen 150 zjarre. Është tashmë sezoni më i keq i zjarrit i regjistruar në Quebec.
“Tymi po prek qytetet përgjatë bregut lindor. Gati 100 milionë njerëz po përjetojnë cilësi shumë, shumë të dobët të ajrit si rezultat i drejtpërdrejtë i tymit nga këto zjarre.
Njerëzit në disa qytete të SHBA u zgjuan në kushte të rrezikshme të cilësisë së ajrit, duke përfshirë Filadelfia dhe pjesë të tjera të Pensilvanisë.
Pjesë të tjera të Shteteve të Bashkuara, duke përfshirë pjesë të mëdha të Midwest dhe Jugut, janë gjithashtu nën alarmet e cilësisë së ajrit.
Guvernatorja e Nju Jorkut Kathy Hochul tha se një milion maska do t’u dorëzohen banorëve të enjten.
“Kjo është një situatë e përkohshme. Kjo nuk është Covid”, theksoi ajo.
