Policia e Dibrës ka proceduar ditën e sotme 4 persona pasi janë kapur duke transportuar dru të prerë ilegalisht.
Të proceduar janë shtetasit: L.L., 23 vjeç; A.K., 25 vjeç; J.M., 38 vjeç, banues në Dibër, si dhe M.S., 41 vjeç, banues në Bulqizë.
Policia njofton se lënda drusore së bashku me automjetet u sekuestruan në cilësinë e provës materiale.
Njoftimi i policisë:
DVP Dibër/Intensifikim kontrollesh në të gjithë territorin, me fokus parandalimin, evidentimin dhe goditjen e krimeve mjedisore.
U kapën në flagrancë duke transportuar lëndë drusore të prerë ilegalisht, procedohen penalisht 4 shtetas.
Sekuestrohen sasitë e lëndës drusore dhe automjetet me të cilat po i transportonin ato.
Në vijim të kontrolleve të mbështetura nga inteligjenca informative, me fokus parandalimin dhe goditjen e krimeve mjedisore, shërbimet e Komisariatit të Policisë Dibër dhe Bulqizë, kanë goditur katër raste në këtë fushë, për të cilat u referuan materialet në Prokurori dhe ka nisur procedimi penal për shtetasit :
L.L., 23 vjeç; A.K., 25 vjeç; J.M., 38 vjeç, banues në Dibër, si dhe M.S., 41 vjeç, banues në Bulqizë.
Këta shtetas në vende të ndryshme, janë konstatuar dhe ndaluar nga shërbimet e Policisë duke transportuar lëndë drusore e prerë në kundërshtim me ligjin.
Lënda drusore, së bashku me automjetet, u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
Kontrolle të tilla do të vijojnë në të gjithë territorin e qarkut Dibër, me qëllim parandalimin, evidentimin dhe goditjen e krimeve mjedisore.
