Ish-kreu i PD, Lulzim Basha është shfaqur sot në seancën e Kuvendit të Shqipërisë. Pak para se të hynte në sallë ai është ndalur nga gazetarët, ku i janë bërë disa pyetje.
Mes të cilave ishte ajo se nëse do të garojë për kryetar i PD në zgjedhjet e 29 korrikut. Basha tha se çdo vendim që do të marrë, do të jetë në interes të demokratëve.
“Unë e kam treguar me vepra që marr vendime në interes të demokratëve me aktin e 21 marsit, ndaj dua t’i them çdo demokrati që dhe në vendimet që do marr do udhëhiqem nga interesi i demokratëve. Vendimin do ta bëj të ditur në momentin e duhur”, tha fillimisht Basha.
Gjithashtu Basha ka folur para gazetarëve në lidhje me situatën e Partisë Demokratike dhe tensioneve që pati në mbledhjen e kryesisë.
“Unë e kam treguar me vepra që marr vemdime në interes të shqiptarëve me aktin e 21 marsin. Unë do të udhëheqem nga interesi publik. Përgjigja ime për dhunën është se e refuzoj dhe distancohem nga fjalët dhe kërcënimet që janë shfaqur në një moment tensioni. Do të qëndrojmë me të gjitha forcat kundër censurës, dhunës dhe shkeljes. Unë nuk jam i butë, jam i vendosur. Nuk mendoj se dhuna, censura kërcënimet nuk kanë lidhje me demokracionë. Dënoj me forcë dhe refuzoj cdo model të tillë. Ju bëj thirrje demokratëve, se dhe në raste kur ka situate të tilla, diferenca të jetë që të menaxhohen në mënyrë civile. Me rininë do t’i japin zgjidhje kësaj krize. Partia ka institucione ka statut dhe ne do t’i respektojmë. E pamundur është plani i oligarkëve për të futur në thes PD nuk do të realizohet”, tha Basha.
