Deputeti demokrat Ervin Salianji ka reaguar për situatën e krijuar një ditë më parë në kryesinë e PD-së së vulës, ku pati edhe tensione, ndërsa mbështetës të Lulzim Bashës ofenduan deputetët.
Salianji shprehet se dhuna e inspiruar nga Basha ndaj demokratëve bëhet dhe më e rëndë kur mendon që për 10 vite me radhë sjellja ndaj Ramës dhe bandave të tij ka qene prej të përuluri si lëngaraq!
Ai shton më tej se demokratët duhet të ndahen me forcë nga kjo sjellje që sipas tij po vazhdon të dëmtojë shpresat e demokratëve dhe të shoqërisë.
“E vetmja risi nga e djeshmja ishin pamjet e dhunshme! Pamjet me dhunë verbale, presion, shantazh dhe fyerje ndaj deputetëve të PD që mendojnë ndryshe por që e kanë mbështetur maksimalisht LB tregojnë katandisje e një njeriu qe u mbështet si shpresa e PD dhe përfundoi në fatkeqësinë e demokratëve”, shkruan Salianji ndër të tjera në Facebook.
Reagimi i plotë i Salianjit:
Langaraq me Ramën, gangster me demokratët që e mbështesin!
Siç e kam paralajmëruar prej më shumë se një viti LB nuk është larguar asnjë ditë, ka përdorur truke për tu zvarritur pavarësisht se nuk ka as mbështetje, as elektorat dhe as parti!
E vetmja risi nga e djeshmja ishin pamjet e dhunshme! Pamjet me dhunë verbale, presion, shantazh dhe fyerje ndaj deputetëve të PD që mendojnë ndryshe por që e kanë mbështetur maksimalisht LB tregojnë katandisje e një njeriu qe u mbështet si shpresa e PD dhe përfundoi në fatkeqësinë e demokratëve!
Dhuna e insipruar nga LB ndaj demokratëve bëhet dhe më e rëndë kur mendon që për 10 vite me radhë sjellja ndaj Ramës dhe bandave të tij ka qënë prej të përuluri si langaraq!
Sjellja prej despoti, tentativa për pronësinë e kolibes, dhuna, gjuha dhe veprimet bien ndesh me vlerat perëndimore dhe euroatlantike, përfaqësojnë hiç më pak se putinizimin e kulturës politike!
Demokratët duhet të ndahen me forcë nga kjo sjellje që po vazhdon të dëmtojë shpresat e demokratëve dhe të shoqërisë!
