Një rast i paprecedentë ka ndodhur ditën e sotme në Fier. Shtetasi Ervin Memo është ngujuar në makinën e tij, në një sipërfaqe toke në të cilën thuhet se do të nisin ndërtimet për një shtyllë tensioni të lartë.
Në një prononcim për mediat, Memo u shpreh se është kontaktuar nga ana e firmës e cila do të vendosë shtyllën, dhe i është konfirmuar se kjo e fundit nuk do të vendoset në tokën e tij, ndërsa më pas ka vënë re se toka është piketuar.
Memo ka vendosur makinën në brendësi të tokës dhe thotë se këtë të fundit prej vitesh e ka në pronësi me dokumenta të rregullta dhe se ky proces po manipulohet.
Memo ka shtuar se në bazë të dokumentacionit shtylla duhet të vendoset në një hapësirë toke që në hartë rezulton tokë shtet, rrugë, por që nga ana e firmës është piketuar toka e tij.
