Shtyhet sërish seanca për inceenratorin e Elbasnit. Shkak u bë mbetja pa avokat e dy prej të pandehurve, Bardhyl Cabiri dhe Serafin Papa. Gjykata e Posaçme vendosi këtë të Enjte që seanca e radhës të zhvillohet më 8 qershor.
Ditën e sotme, në GJKKO ishte planifikuar të dëgjoheshin konkluzionet e mbrojtjes.
Të pandehur për inceneratorin e Elbasanit janë, Lefter Koka, Alqi Bllako, Mirel Mërtiri, Klodian Zoto, Stela Gugallja, Pëllumb Abeshi, Etleva Kondi, Jonida Zeqo , Bardhyl Çabiri, Serafin Papa. Nga këta prapa hekurave qëndrojnë Lefter Koka, Alqi Bllako, Pëllumb Abeshi dhe Byrdhyl Çabiri.
Ndërsa në arrest shtëpie qëndrojnë Jonida Zeqo, Etleva Kondi e Serafin Papa. Në kërkim janë tre administratorët e inceneratorit Klodian Zoto, Mirel Mërtiri e Stela Gugallja.
SPAK thotë se dy kompanitë e inceneratorit të Elbasanit kanë paguar rreth 329 milionë lekë (afërsisht 3 milionë euro) fatura për punë të pakryera.
