Ndërkohë që mbarë bota perëndimore po dënon dhunën e bandave të Aleksandër Vuçiç në veri të Kosovës, kryeministri i Shqipërisë Edi Rama ka befasuar të gjithë me reagimin e tij skandaloz duke mos kritikuar mikun e tij Aleksandër Vuçiç që po inskenon destabilizimin e veriut të Kosovës.
Sërish Rama sulmoi Albin Kurtin, pa thënë asnjë fjalë për dhunën e serbëve ndaj KFOR.
“Thirrja ime për t’i dëgjuar me vëmendje ata aleatë e për të mos u futur më thellë në shtegun jo vetëm të rrezikshëm, po edhe të kotë ku Kosova po lëndohet ndërkombëtarisht bashkë me ushtarët e KFOR-it që po lëndohen fizikisht, s’është thirrje ndërkombëtare po nevojë kombëtare!” tha Rama.
- Situata e tensionuar në veri të Kosovës?
Qytetarët serbë kanë tentuar sërish të bllokojnë objektet e komunave dhe të pengojnë hyrjen e kryetarëve të rinj shqiptar.
Policia e Kosovës dhe KFOR kanë rrethuar ndërtesat zyrtare ndërsa situata është përshkallëzuar teksa kanë hedhur gaz lotsjellës për të shpërndarë turmën. Për shkak të rindezjes së tensioneve është njoftuar se shkollat në veri të Kosovës do të mbyllen dhe mësimi do të pezullohet përkohësisht.
Për zhvillimet e fundit në veri ka pasur reagime të shumta nga Shtetet e Bashkuara të Amerikës dhe Bashkimi Evropian të cilët kërkuan të mos përshkallëzohet situata pasi që kjo nuk ndihmon në procesin e dialogut mes dy vendeve.
