Presidentja e Kosovës, Vjosa Osmani, ka reaguar pas zhvillimeve në Veriun e Kosovës, ku gjatë gjithë ditës ka pasur tensione.
Ajo ka thënë se ”sovraniteti dhe integriteti territorial i Republikës së Kosovës është i pacenueshëm, i patjetërsueshëm dhe i pandashëm“.
”Ndaj mbrohet me të gjitha mjetet e përcaktuara me Kushtetutë dhe me ligj. (Neni 2 i Kushtetutës)”, ka shkruar Osmani në Facebook, të premten.
Me tutje, Osmani ka shtuar se veprimet e Policisë së Kosovës ndaj strukturave ilegale e bandave kriminale të Vuçiqit janë legjitime, në realizim të detyrave të tyre kushtetuese dhe në mbrojtje të të gjithë qytetarëve, pa dallim.
