Që në seancën e parë plenare të legjislaturës së XI-të të Kuvendit, Partia Demokratike, e cila së bashku me aleatët në këtë mandat ka 50 deputetë, nisi aksionin opozitar.
Deputetët kanë shfaqur në Kuvend pankarta me foto të eksponentëve kryesorë të Partisë Socialistedhe personazhe të krimit të organizuar dhe të mbishkruara me akuza.
Ndërkohë, Sali Berisha ka shkuar në foltore dhe ka kërkuar që të marrë fjalën për procedurë, por nuk është lejuar nga socialistët. Kjo gjë ka sjellë tensione dhe më tej deputetët e tjerë demokratë si Flamur Noka, Gazment Bardhi bllokuan foltoren e Kuvendit nga ku Berisha vijonte të fliste më gjithë kërkesën e vazhdueshme të drejtuesit të seancës, Vasil Llajo.
Mes debatesh u votua komisioni për verifikimin e mandateve, ku kreu i grupit të PS, Taulant Balla në bazë të nenit nr. 2 të rregullores paraqiti emrat e Milva Ikonomit, Olsi Komnicit, Aulona Bylykbashit, Hatixhe Konomi dhe Alkend Balla. Ndërkohë, Partia Demokratike dhe opozita nuk paraqiti 3 emrat e saj duke protestuar të foltorja teksa Berisha kërkonte të mbante fjalim
Komisioni do përcaktojë kryetarin dhe më pas do verifikojë figurën e 140 deputetëve dhe mandatin e tyre, për t’ia paraqitur më pas Kuvendit në seancën që u shty në orën 17:00.
