Një 40-vjeçar shqiptar ka rënë në prangat e Policisë italiane, pasi i është gjetur një sasi kokainë në valixhe.
Mësohet se shqiptari së bashku me bashkëshorten dhe fëmijët ishin nisur me pushime, por në valixhen e tyre karabinierët kanë gjetur 11 kg kokainë.
Mjeti i shqiptarit u ndalua në portin Fortezza, në momentin që ishte duke hipur në tragetin e radhës për në Sardenjë.
Ende nuk dihet nëse pushimet kanë qënë vetëm justifikim për të kaluar drogën në port, ndërsa priten detaje të reja nga policia italiane.
Sipas mediave italiane, duke marrë parasysh një vlerë mesatare prej 80 euro për gram që kokaina shitet në rrugë, vlera e drogës së sekuestruar do të arrinte fitime deri në 880 mijë euro.
