Në Vlorë ka nisur puna për të goditur të gjithë mjetet lundruese, të cilat nuk rezultojnë të regjistruara sipas kushteve ligjore.
Në këtë kuadër, janë bllokuar dy mjete lundruese, përkatësisht një skaf, i cili nuk dispononte dokumentacionin e rregullt për lundrim në ujë dhe një mjet lundrues “flluge” pasi ishte futur në një zonë tek e cila ndalohej peshkimi.
Autoritetet pas bllokimit të skafit kanë aplikuar një gjobë prej 200 mijë lekësh ndaj poseduesit të tij, ndërsa ka nisur punën për verifikimin e rasteve të tjera abuzive. Sakaq, mjetet lundruese janë bllokuar në vendin e quajtur si SPK Triport Vlorë
“Strukturat e Drejtorisë Vendore për Kufirin dhe Migracionin Vlorë, në kuadër të bashkëpunimit me QNOD dhe rojën bregdetare, për kontrollin e vijës bregdetare, kanë bllokuar një mjet lundrues skaf në pronësi të shtetasit G. G., sepse ky shtetas nuk e kishte regjistruar mjetin lundrues sipas procedurave ligjore të paracaktuara në ligjin nr.127, të vitit 2020. Për këtë shkelje, shtetasit G. G. iu vendos masa administrative 20 000 lekë të rinj.
Gjithashtu, në zbatim të detyrave të parashikuara në planin e masave të përbashkët me Drejtorinë e Shërbimit të Peshkimit dhe Akuakulturës, “Për evidentimin, parandalimin dhe penalizimin e rasteve të peshkimit të paligjshëm, në vijën bregdetare Vlorë – Himarë – Sarandë”, shërbimet e Policisë Kuiftare kanë bllokuar për verifikime të mëtejshme nga Inspektoriati i Peshkimit Vlorë, një mjet lundrues flluge që përdorej për peshkim, në pronësi të shtetasit E. M., pasi është konstatuar në një zonë të ndaluar për peshkim.“-njofton policia.
