Përgjatë ditës së nesërme, parashikohet depërtimi i masave ajrore të paqëndrueshme në vendin tonë duke diktuar mot me vranësira dhe reshje shiu. Më të pranishme do të jenë në veri dhe veriperëndimore të vendit.
Orët e mesditës do të sjellin intervale të shkurtra me kthjellime përgjatë shtrirjes perëndimore, duke lënë me vranësira dhe shira të dobët të gjithë zonën malore.
Gjatë orëve të vona të mbrëmjes, pritet shtim i intervaleve të shirave në të gjithë vendin.
Temperaturat do të mbeten konstante në mëngjes, por do të rriten në mesditë, duke u luhatur nga 10 gradë Celsius deri në 29 gradë Celsius.
Era do të fryjë në tokë dhe në det me shpejtësi 30 km/h në drejtimin veri-perëndimor, duke sjellë në brigjet detare një dallgëzim 2 ballë.
