Një 45-vjeçar shqiptar ka humbur jetën mbrëmjen e kaluar në Castelnuovo di Borgonovo.
Mediat italiane raportojnë se makina që drejtonte shqiptari ende i paidentifikuar, ka dalë nga rruga dhe është përplasur me një pemë në anë të rrugës.
Për shqiptarin goditja ishte fatale, pavarësisht ndihmës që iu dha, duke ndërruar jetë në vend.
Për ta nxjerrë nga makina u desh të ndërhynin zjarrfikësit nga Castel San Giovanni, së bashku me Kryqin e Kuq dhe me shpëtimtarët të cilët nuk kanë mundur të bëjnë gjë tjetër veçse të konfirmojnë vdekjen.
Policia dhe grupi i posaçëm kanë nisur hetimet.
