Në Tiranë vijon numërimi i votave për kryetar bashkie me 830 QV të numëruara nga 941 në total, ndërsa paralelisht ka nisur edhe numërimi i kutive për anëtarët e këshillit bashkiak.
Gjatë gjithë ditës procesi i numërimit ka qenë i qetë, por në orët e mbrëmjes janë shënuar tensione në KZAZ-në Nr. 38.
Në këtë qendër numërimi, e cila ndodhet te “Shkolla e Kuqe” në Njësinë 8, sipas një video të mbërritur në redaksinë e Boldnews.al, rezulton kanë hyrë pa autorizim grupe personash që janë mbështetës të Partisë Socialiste dhe kryebashkiakut Erjon Veliaj.
Situata paraqitet e tensionuar, teksa mund të shihen mbi 30 persona pa bexhë identifikimi, që në shkelje të ligjit qëndrojnë shumë pranë numëruesve dhe kutive me fletë votimi brenda.
