Kandidati i koalicionit opozitar “Bashkë Fitojmë” në Himarë Fredi Belri, ka rezultuar fitues në zgjedhjet lokale.
Ai ka mundur me një rezultat të ngushtë kandidatin e Partisë Socialiste të drejtuar nga Edi Rama, Jorgo Goro, kryetar aktual i Himarës deri në zgjedhjet e 14 majit. Diferenca ishte 19 vota.
Belri përfaqësues i komunitetit grek në vendin tonë ndodhet në burg që prej orëve të para të së premtes, kur u arrestua jashtë lokalit të tij në Himarë dhe më pas u la në qeli nën masën e sigurisë së arrestit me burg. Fredi Beleri u akuzua për veprën penale “Korrupsion aktiv në zgjedhje”, kryer në bashkëpunim. Vete Beleri i ka mohuar akuzat, ndërsa avokati i tij e ka cilësuar arrestimin politik. Pas seancës për masën ai tha se prokuroria s’ka asnjë provë për të mbështetur akuzën.
Të njëjtin qëndrim ka mbajtur edhe opozita, ndërsa sulmet e Ramës ndaj Belerit dhe mënyra proceduriale sesi kanë vepruar policia dhe prokuroria e përforcojnë këtë dyshim. Edhe pse vetë Rama e ka mohuar.
Një reagim të ashpër ka pasur edhe nga Greqia. Kryeministri grek tha se arrestimi i Belrit tregon se Shqipëria nuk ka një shtet ligjor dhe paralajmëroi pasoja për integrimin në BE.
Çështja ndërkohë ka përfunduar në SPAK për kompetencë dhe personat pranë Belerit presin lirin e tij.
“Triumf! Është triumf për zotin Beleri. Zoti Beleri do të jetë shumë shpejt në zyrën e kryetarit të bashkisë. Nuk ka asnjë provë. Sigurisht që do dalë nga aty. Populli e liroi”, tha kreu i PBDNJ-së vangjel Dule për mediat, pas rezultatit në Himarë.
