Kryeministri Edi Rama ka hedhur sot votën e tij në një prej qendrave të votimit në Surrel. Kreu i PS-së, Edi Rama shoqërohet nga bashkëshortja e tij.
Procesi i votimit nis me probleme teknike në shumë qendra pasi nuk ka funksionuar pajisja e identifikimi dixhital.
Probleme u shfaqen edhe kur vetë kreu i KQZ-së shkoi të votonte. Probleme janë raportuar edhe në qendrën e votimit të Surrel, ku voton kryeministri i vendit Edi Rama. Gati dy orët e para të mëngjesit ishte i pamundur votimi në Surrel, ndërsa Rama gjatë fjalës së tij bëri me faj paaftësinë e KQZ-së.
“Besoj janë thënë të gjitha ato që duheshin thënë. Tani është momenti që qytetarët të thonë fjalën e tyre. Uroj shumë që situata e krijuar nga KQZ të mos ketë ndikuar në dekurajimin e atyre që kanë shkuar të votojnë qysh në fillim në ato zona ku nuk punuan aparaturat dhe që të gjithë ata që mund të jenë dekurajuar, të rikthehen që vullneti të shkojë i plotë në të gjithë territorin e Shqipërisë, për kandidatët dhe këshillat bashkiakë.”, tha Rama.
Ndërkohë, pyetjes se si e komentonte deklaratën e Berishës, se në sistem kanë ndërhyrë hackerat iranianë, Rama iu përgjigj: “edhe unë duhet t’i përgjigje kësaj?”.
