Nga selia e Partisë Demokratike, Sali Berisha bëri të qartë se do të prononcohet në lidhje me rezultatin e këtyre zgjedhjeve vetëm kur të jenë numëruar edhe votat e kutisë së fundit, duke theksuar se është jashtë praktikës së tij të citoj numra dhe përqindje.
Pavarësisht kësaj, Berisha la të kuptohej se nuk e pranon rezultatin e deri tanishëm në tre bashkitë e vendit, Elbasan, Vorë dhe Kamëz ku u votua në mënyrë elektronike duke kërkuar auditim të pajisjeve që u përdorën.
Ndër të tjera, Berisha akuzoi kryeministrin Edi Rama se ka bërë gbjtihçka për të devijuar rezultatin e këtyre zgjedhjeve dhe si shembull solli kapjen në flagrancë të oligarkut Pëllumb Salillari, teksa shpërndante para për vota mbrëmjen e djeshme në bashkinë e Kuçovës.
“Ne kemi dominuar në mbarë vendin dhe kjo është e sigurt, kemi pasur pollet tona që tregonin të njëjtën gjë. Presim gjer në numërimin, dhe jam këtu për të ftuar numëruesit të kryejnë detyrën e tyre pa asnjë lloj impresioni. Ata janë sot heronjtë e vërtetë të këtij procesi universalisht të dhunuar nga bandat, qeveria, bandat qeveritare, mafia e qeverisë, oligarkët e qeverisë.
Ju e patë se si oligarku paguante në Kuçovë. U kap në flagrancë. Ju keni parë se çfarë është bërë me asfalt dhe beton elektoral gjatë kësaj fushate sa kurrë në histori.
Ju keni parë gjithë makinën shtetërore të angazhohet në këtë proces. Ju keni parë zyrtarë, drejtorë, funksionarë, zëvendësministra të qëndrojnë te qendrat e votimit në kundërshtim flagrant me ligjet e vendit”, tha Berisha.
Kujtojmë se mbrëmjen e djeshme, Salillari u filmua nga kandidati i koalicionit opozitar “Bashkë Fitojmë”, Lefter Maliqi në një lokal të Kuçovës duke bërë pazare në këmbim të votave.
Oligarku, i cili ka përfituar miliona euro tendera nga qeveria dhe bashkitë e vendit u vendos kështu hapur në funksion të makinerisë elektorale të Ramës, për blerjen e votave.
LEXO EDHE:
VIDEO/ Maliqi kap mat oligarkun Pëllumb Salillari duke blerë vota në Kuçovë
