Agjencia Shtetërore e Kadastrës u kap sot në flagrancë, duke thyer heshtjen zgjedhore teksa në zyrat qendrore të sa po shpërndaheshin legalizime banesash në këmbim të votës për kandidatët e Partisë Socialiste në zgjedhjet lokale.
Ishte Syri TV që publikoi pamje të asaj çka po ndodhte në zyrat e “Kadastrës”, ku vetë drejtoresha e ASHK në Tiranë, Dallëndyshe Bici ishte përfshirë në skandalin, që është pjesë e makinacioneve të partisë në pushtet për të grumbulluar kapital elektoral.
Në godinën e ASHK janë regjistruar nga pamje filmike të gazetarëve, një pjesë e konsiderueshme e qytetarëve të hynin në mënyrë të fshehtë nga pjesa e pasme, e garazhit të institucioneve për të marrë legalizimin.
Qytetarët e pyetur janë shprehur se kanë shkuar në zyrat e ASHK-së, pasi janë thirrur në telefon nga zyrtarët e institucionit.
Lidhur me këto imazhe, ka reaguar edhe koalicioni opozitar “Bashkë Fitojmë” përmes deputetes demokrate Albana Vokshi, e cila njoftoi se pas verifikimeve dhe rezultateve arriti në konkluzionin se veprimi i kryer më sipër është një vepër e pastër penale nga drejtuesit dhe punonjësit e institucionit.
Partia Demokratike ka vendosur t’a kallëzojë në SPAK, drejtoreshën e ASHK-së Dallëndyshe Bici dhe kërkon nisjen e procedimi penal ndaj personave të përfshirë në skandal, si dhe kryerjen e të gjitha veprimeve hetimore dhe sqarim sa më të saktë të rrethanave më sipër.
DEKLARATA:
Partia Demokratike ka kallëzuar sot penalisht në SPAK, drejtoreshën e Agjencisë Shtetërore të Kadastrës (ASHK), Dallëndyshe Bici.
Nga pamjet e filmuara nëpërmjet mediave televizive, rezultoi se drejtoresha e ASHK në Tiranë përfshirë në një skandal, pikërisht një ditë para zgjedhjeve të 14 majit. Agjencia e drejtuar nga Dallëndyshe Bici po shpërndan për qytetarët legalizime në këmbim të votës.
Në godinën e ASHK janë regjistruar nga pamje filmike të gazetarëve, një pjesë e konsiderueshme e qytetarëve të hynin në mënyrë të fshehtë nga pjesa e pasme, garazhi.
Qytetarë të pyetur janë shprehur se kanë shkuar në institucionin në fjalë, pasi janë thirrur në telefon nga zyrtarët e institucionit.
Rikujtojmë se ngjarja e ndodhur përkon në ditën e heshtjes zgjedhore.
Partia Demokratike pas verifikimeve dhe rezultateve arriti në konkluzinin se veprimi i kryer më sipër është një vepër e pastër penale nga drejtuesit dhe punonjësit e institucionit.
Partia Demokratike i bën thirrje SPAK për regjistrimin dhe fillimin e një procedimi penal ndaj personave të kallëzuar, si dhe kryerjen e të gjitha veprimeve hetimore dhe sqarim sa më të saktë të rrethanave më sipër.
