Kryeministri Edi Rama, mbylli ditën e sotme fushatën për bashkinë e Shkodrës, bashki që ai dëshiron fort ta ketë pas 14 majit dhe që në sondazhe del nën epërsi opozitare.
Gjatë fjalës së tij para të pranishmëve, Rama është shprehur i indinjuar sa i takon tërheqjes së qytetarëve drejt opozitës, ndërsa ka insistuar që qytetarët duhet ta votojnë, pasi sipas tij di të bëjë më mirë.
Rama: U them të gjithëve këtu. Orë njeriu e provon mo vlla. Ore ç’është kjo? dun me vdek pa provu njëherë një gjë tjetër. Njeriu e provon. Jo! Si mor jo? Nuk e kuptoj. Çfarë nuk provuam në këtë demokraci, liri? Mos me provu iher me marrë në punë një tjetër kur ai që ke ta bën punën keq, po kjo është kulmi. Pse Boga është e pastër, e Thethi ka plehra? Në Bogë është Malësia e madhe, Thethi është e Shkodrës.
