Autoritetet greke kanë sekuestruar 100 kilogramë kokainë në Selanik, ndërsa kanë arrestuar disa persona, mes tyre edhe shqiptarë.
Mediat vendase bëjnë me dije se përveç ngarkesës me drogë, me origjinë nga Amerika Latine, është sekuestruar edhe një shumë parash mbi 100 mijë euro.
Të arrestuarit pritet të dalin të mërkurën para prokurorisë penale të Selanikut, të cilët akuzohen për pjesëmarrje në organizatë kriminale.
Sipas informacioneve mes “protagonistëve” dhe të arrestuarve është edhe një mjek grek 68-vjeçar.
