Ambasadori britanik Alastair King-Smith ka paralajmëruar se non grata të tjerë mund të shpallen së shpejti, pas shpalljes së ish-kryeministrit Sali Berisha. I ftuar në emisionin “Open” në News24, ai u shpreh se kjo bëhet për të mbështetur institucionet e drejtësisë shqiptare në shërbim të luftës ndaj korrupsionit dhe llogaridhënies.
“Po mund të ketë. Ky nuk është vendimi mi por po diskutohet nga qeveria, kjo bëhet sa herë ka çështje kundër korrupsionit.
Kjo shihet si mbështetje për institucionet e pavarura në Shqipëri për të luftuar korrupsionin, llogaridhënia është shumë e rëndësishme”, tha ai.
Ambasadori ka shtuar se emrat mund të jenë si nga opozita ashtu edhe nga qeveria, pasi sipas tij jë vendim i tillë nuk varet nga sfondi, por nga aktet e gjithsecilit.
“Sanksionet tona zbatohen në të gjithë spektrin, nga biznesi e të tjerë. Nuk bazohemi tek sfondi por tek aktet e tyre”, tha ai.
Sa i përket bashkëpunimit me Berishën si drejtues i opozitës, ai u shpreh se qasja e qeverisë së vendit të tij është të mos bashkëpunojë me persona të sanksionuara nga Britania, SHBA apo partnerët e tjerë.
Pjesë nga diskutimi në studio:
Ambasadori Alastair King-Smith: Kur nisëm valën e parë të sanksioneve në korrik, kjo u publikua nga i dërguari jonë për Ballkanin Perëndimor që e bëri të qartë që ishte pjesë e një qasjeje botërore kundër korrupsionit. Ajo që ndodhi në korrik ishte vala e parë e veprimeve. Ndërmorëm një qasje të ekuilibruar, kjo është qasja jonë për këto qasje. Ndërmorëm veprim ndaj një sërë individëve, por vetëm një prej tyre është vetëdeklaruar sepse ne nuk i publikojmë kurrë emrat dhe sanksionet.
Eni Vasili: Do të bashkëpunoni me Berishën si drejtues i opozitës?
Ambasadori Alastair King-Smith: I mbetet shqiptarëve të vendosin për kë votojnë. Mesazhi ynë është t’u themi të vlerësojnë se kush është i lidhur me kriminaltetit, kjo është një pjesë e rëndësishme e pastrimit te demokracisë. Por kjo nuk i referohet një personi të vetëm. Është një politikë standarde e jona që nuk angazhohemi me persona të sanksionuara nga ne, SHBA, apo partnerët.
Eni Vasili: Ju ka akuzuar se keni ndikuar në përcaktimin e tij non grata, keni koment?
Ambasadori Alastair King-Smith: Vendimi për sanksione merret nga ministri për Punët e jashtme në bashkëpunim me atë të Brendshme. patjetër ambasadat janë të përfshirë në diskutime por nuk marrin vendime.
Eni Vasili: Mund të bëhen publike hetimet tuaja për publikun shqiptar?
Ambasadori Alastair King-Smith: E kemi bërë në Bosnje psh që kemi publikuar emrat e personave të sanksionuar. Po e konsiderojmë edhe këtë pjesë për Shqipërinë, për të publikuar emrat për korrupsionin.
