Kandidati për kryebashkiak të Tiranës, Belind Këlliçi, ka folur mbrëmjen e sotme mbi gjobat e vendosura nga Policia Bashkiake dhe IMT-ja.
I ftuar në “Now”, Këlliçi ka deklaruar se Policia Bashkiake në Tiranë dhe IMT-ja gjobit për një dritare të hapur apo për rregullime në avllinë e shtëpisë, ndërsa ka theksuar se lidhur me këtë rast ka prova konrekte.
“Kam pasur prova për këtë çështje, kam folur për këtë kullë, kam folur për kompaninë, kam folur për ndërtuesin, kam pasur sinjalizime për një rast të ngjashëm në rrugën Myslym Shyri, në hyrje të tregut çam për një individ që marr akuza çdo ditë në telefonin tim që quhet Arben Maloku, që dhe ky ka marrë nga 6 milionë dollarë nga bashkia, ndërkohë që ishte punonjës i bashkisë. Ka ndërtuar nja 2700 metra katrorë pa leje, nja 5 kate pa leje, një pallat tjetër në Tiranë dhe e kam përmendur me emër sepse kam fakte,” – u shpreh Këlliçi.
Ai shtoi se për këdo që ka fakte dhe prova do t’i bënte publike dhe do t’i denonconte parregullsitë, qofshin këta edhe oligarkët më të mëdhenj.
