Një shtetas shqiptar ka rënë në prangat e policisë italiane pasi u kap me kokainë në banesë.
Sipas mediave italiane, në pranga ka rënë një 31-vjeçar i cili është pikasur nga policia për shkak të veprimeve të tij të dyshimta.
I riu shqiptar shkonte dhe kthehej në banesën e tij, dilte disa minuta dhe më pas futej prapë në mjet.
Djali, me të shkuar të pastër kriminale, kishte me vete një çantë, brenda së cilës oficerët e policisë gjetën 50 doza kokainë, gati për shpërndarje. Kështu ata vendosën të vazhdonin kontrollin në shtëpinë e burrit, jo shumë larg vendit ku ai ishte ndaluar. Këtu vëmendjen e policëve e tërhoqi menjëherë gardëroba, e modifikuar, brenda të cilës kishte 260 gramë të tjera kokainë. Gjithashtu kishte një kuti këpucësh, e cila mbante shumë para: një Rolex me vlerë 20,000 euro dhe 155,000 euro cash, që dyshohet se janë të ardhurat e tregtisë së drogës së 31-vjeçarit.
Megjithatë, tani po zhvillohen hetime për të gjurmuar rrjetin në të cilin bënte pjesë shpërndarësi, pasi sasia me të cilën u kap, do t’i sillte edhe të paktën 20 mijë euro fitim.
