Me nxehjen e fushatës elektorale, po del gjithnjë e më shumë në pah angazhimi i Policisë së Shtetit në krah të kandidatit të Partisë Socialiste për Tiranës, Erion Veliaj.
Kryebashkiaku në detyrë ka prezantuar si një prej pikave kryesore të tij në fushatë elektorale ngritjen e një tregu fruta-perimesh në Lundër.
Por, kjo ide e Veliajt dëmton drejtpërdrejtë interesat e pronarit të ligjshëm të truallit ku është vendosur të ngrihet tregu, Ramazan Leci.
Familjarët e Lecit deklaruan për “Boldnews.al” se Bashkia po ia merr tokën pronarit, pa kryer më parë shpronësimin publik sipas legjislacionit në fuqi.
Gjithnjë sipas familjarëve, Ramazan Leci ka kërkuar paraditen e sotme zbatimin e ligjit dhe respektimin e tij si pronar legjitim.
Por, kërkesa e tij mëse e drejtë është përballur me represionin policor. Familjarët e Lecit njoftojnë se ai është shoqëruar nga forcat policore të Komisariatit numër 1 në Tiranë, me qëllim “trembjen dhe mbylljen e gojës së Ramazan Lecit” dhe për të mos kundërshtuar planin e Erion Veliajt.
LEXO EDHE:
Farsa e Erion Veliajt; 430 milionë lekë shtesë për tregun në Farkë që sapo e përuroi
Veliaj tenderon edhe 3 mln euro të tjera për tregun që inaguroi pak kohë më parë