Kryetari i Partisë së Lirisë, Ilir Meta, është ndalur këtë të premte në Çorovodë, ku na nderuar dëshmorët e kësaj zone.
Në fjalën e tij para të pranishmeve, Meta shprehet optimist për zgjedhjet e 14 Majit, ndërsa u ka bërë thirrje qytetarëve të votojnë për ndryshimin.
Ndër të tjera, Meta tha se pas zgjedhjeve, bashkitë do të jenë në dispozicion të qytetarëve.
Meta: Jemi krenarë që Skrapari ishte i pari që u çlirua dhe mbeti një kështjellë që nuk u ripushtua më. Jam i bindur se 5 maji i ardhshëm do të jetë krejt tjetër dhe këtu do jetë gjithçka siç ka qenë gjithmonë. Ne do kujdesemi gjithmonë që këto vende të shenjta të kenë vëmendjen e kujdesin e të gjithëve. I ftoj të gjithët të forcojmë këtë liri, me pjesëmarrjen tonë në zgjedhjet e 14 majit. Janë një moment kyç, që të vendosim bashkitë në interes të qytetarëve. Duhet t’u kujtojmë fëmijëve tanë, se liria nuk dhurohet, por mbrohet çdo ditë. Liria mbrohet me votë dhe pjesëmarrje në zgjedhje.
