Kreu i KQZ-së Ilirjan Celibashi ka testuar ditën e sotme pajisjet e identifikimit elektronik, që do të përdoret në zgjedhjet vendore të 14 Majit.
Në një dalje për mediat, Celibashi u shpreh është krijuar një sistem i tillë që do të shmangë tentativat e votimit disa herë. Por po ashtu, ndër të tjera zbuloi edhe risinë e ‘mjeteve’ që do të përdoren, të cilat do të tregojnë në kohë reale pjesëmarrjen në votime.
Celibashi: Është testuar ditën e sotme pajisja për identifikimin elektronik që do të aplikohet në zgjedhjet e 14 Majit në Lundër.Gjë e shtuar në sistem është transmetimi në mënyrë periodike mbi pjesëmarrjen në ditën e zgjedhjeve. Do të kemi të dhëna reale të numrit të votuesve në ditën e zgjedhjeve. Nuk do e bazojmë përqindjen në sondazhe por në fakte konkrete. Nëse ka një gjë që e kanë kuptuar është që nuk duhet të vendosin gishtin e tyre. Nëse për një arsye dështon, ka një protokoll të caktuar për të evidentuar rastin. Ndoshta vlen ta them, ku do të jetë rasti që votuesi nuk lë shenjën e gishtit, duhet të firmosi kuponin e lënë nga pajisja.