Paraqitjet mbresëlënëse në Botërorin e Katarit por tanimë edhe me Fiorentinën , po e përforcojnë idenë se ky sezon do të jetë i fundit për Sofyan Amrabat në ‘’ Artemio Franchi ‘’.
Barcelona ka ndezur motorrët për marokenin dhe sipas ‘ Mundodeportivos ‘ do të ofrojë rreth 25 milionë euro.
Sergio Busquets ende nuk ka vendosur nëse do të vijojë në ‘’ Camp Nou ‘’ dhe ky fakt përbën një problem për ‘’ Los Cules ‘’ për arsye të rëndësisë së spanjollit në mesfushë.
Së fundmi është tentuar nga klube në Arabinë Saudite dhe potenciali në aspektin ekonomik evidenton se për 34 vjeçarin mund të jetë nisja e një tjetër eksperience, sidomos për faktin se është drejt varjes së këpucëve në gozhdë.
Përforcimi me ishi-n e Veronës mund të rezultojë një goditje e qëlluar në shenjë , aq më tepër për një ekip i cili pretendon protagonizmin në çdo sezon. ‘’ Blaugranët ‘’ shpresojnë se do ti lënë pas disfatat e të kaluarës dhe do të luftojnë për tu rikthyer në ekipin e dikurshëm edhe në Champions League.
