Një atentat me tritol ndaj Prokurorit të Përgjithshëm Ivan Gershev, ka ndodhur këtë të hënë në Bullgari. Mediat raportojnë se Gershev i ka shpëtuar një atentati me rreth 3 kilogramë tritol.
Kryeprokurori që ishte objekt i atentatit i shpëtoi mrekullisht shpërthimit të ndodhur rreth orës 11:45, ndërsa lënda eksplozive ishte vendosur në rrugë dhe ka shpërthyer në momentin kur makina e Gershev kaloi, por fatmirësisht askush nuk u lëndua.
Shpërthimi krijoi një krater në diametër tre metra dhe 30-40 centimetra të thellë, ku fatmirësisht nuk u raportua për të lënduar.
Ende nuk është zbuluar se kush fshihet pas këtij atentati, ndërsa autoritetet po kryejnë hetime duke bërë edhe ekspertizën e mbetjeve që ka lënë eksplozivi.
Sipas kreut të Shërbimit Kombëtar të Hetimit të Bullgarisë, eksplozivi ishte vendosur në një kthesë pranë fshatit Kovaçevtsi.
“Bomba nuk ishte më pak se 3 kilogramë TNT, sipas opinionit paraprak të ekspertëve, por gjithashtu me copëza që shpërthyen dhe u përplasën me pemët në anën tjetër të rrugës. Saçmet e metalit që gjetëm kishin përmasat e thoit të një njeriu”, tha Borislav Sarafov, drejtor i Shërbimit Hetimor Kombëtar
“Detyra jonë është të mbrojmë jetën dhe shëndetin e qytetarëve bullgarë dhe do ta bëjmë këtë”, tha Petar Todorov, sekretar i përgjithshëm i Ministrisë së Brendshme
Prokurori i Përgjithshëm ka qenë objektivi i protestave të mëdha në vitin 2020 së bashku me kryeministrin e atëhershëm bullgar Bojko Borisov.
Asokohe, protestuesit e akuzonin për dështimin në vënien para drejtësisë të një elite mafioze të korruptuar, që sipas tyre kishin depërtuar në strukturat e pushtetit të vendit.
