Një incident ka ndodhur këtë të premte në shkollën 9-vjeçare “Papa Kristo Negovani” në qytetin e Ersekës.
Bëhet me dije se materialet termoizoluese në pjesën e pasme të shkollës janë shembur. Shkak i incidentit është bërë era e fortë duke shkaktuar dëme të shumta materiale.
Shembja e fasadës termoizoluese shton akoma edhe më shumë skandalet e vjedhjet të firmave të ndërtimit të cilat fitojnë tendera për rikonstruksionin e shkollave dhe më pas kryejnë punime me cilësi të dobët.
Në momentin kur janë shkëputur materialet në pjesën e pasme të shkollës fatmirësisht nuk ka patur asnjë nxënës.
Rikonstruktimi i kësaj shkolle është kryer nga mesi i vitit 2018 sipas burimeve nga DRAP.
