Kontrolli i lartë i shtetit paraqet një dokument të plotë në të cilin konstaton shkelje flagrante të bashkisë Himarë. Në një raport të detajuar, me një total prej 160 fletësh kontrolli i lartë i shtetit konstaton 61 shkelje në këtë bashki, përgjatë periudhës 1 Tetor 2019 deri në 30 shtator 2021.
Për afro dy vite në bashkinë Himarë konstatohen 13 shkelje në dhënien e lejeve të ndërtimit dhe në infrastrukturë. 20 shkelje në mbledhjen e të ardhurave, taksave, tatimeve dhe mospasqyrime në buxhet të tyre. 13 shkelje në tendera dhe prokurime publike. 15 shkelje të tjera administrative
Kontrolli i lartë i shtetit ka rekomanduar në bashkinë Himarë një numër të konsiderueshëm punonjësish për largime nga shërbimet civile, ulje në detyrë si dhe pushime nga puna Si dhe i ka rekomanduar kësaj bashkie përsëritje të dhjetra procedurave të prokurimit publike. Vetëm në prokurimet publike dëmi shkon në gati 3 milion euro.
