Policia e Sarandës ka arrestuar ditën e sotme 2 persona pasi akuzohen se kanë ushtruar dhunë ndaj familjarëve.
Blutë bëjnë me dije se në pranga ka rënë shtetasi V.S, 61-vjeç pasi ka dhunuar psikologjikisht vajzën e tij 24-vjeçe. Si dhe shtetasi T.B, 56-vjeç pasi ka dhunuar fizikisht të vëllanë.
“Specialistët për Hetimin e Krimeve të Komisariatit të Policisë Sarandë arrestuan në flagrancë shtetasin V. S., 61 vjeç, banues në Sarandë, pasi dyshohet se pas një konflikti për motive të dobëta, ka ushtruar dhunë fizike dhe psikologjike ndaj vajzës së tij 24 vjeçe”, njofton Policia.
Por, ky nuk është rast i izoluar i dhunës në Sarandë. Një 56-vjeçar ka ushtruar dhunë ndaj vëllait si dhe e ka mbajtur mbyllur në zyrë pa dëshirën e tij.
“Po nga specialistët për Hetimin e Krimeve të Komisariatit të Policisë Sarandë u referuan materialet në Prokurori dhe u shpall në kërkim shtetasi T. B., 56 vjeç, banues në Sarandë, pasi ditën e djeshme, në lagjen nr.4, Sarandë, për motive të dobëta, ka ushtruar dhunë fizike ndaj vëllait të tij dhe e ka mbajtur atë për një kohë të shkurtër, në zyrë, pa dëshirën e tij”,- njofton policia.
Materialet iu referuan Prokurorisë, për veprime të mëtejshme”, thuhet në raportin policor.
