Partizani mban gjallë shpresat për titull, teksa sot fitoi 1-2 në Durrës ndaj Erzenit. Da Silva dhe Hoti shënuan për skuadrën kryeqytetase, ndërsa i vetmi gol për shijakasit mban firmën e Kahrimanovic.
Trajneri i Partizanit, Giovani Colella u shpreh i lumtur për suksesin, në konferencën pas ndeshjes.
“Duhet t’i marrim ndeshjet një e nga një dhe të vazhdojmë sfidat që kemi përpara.
Nuk më intereson nëse i bëjmë presion Tiranës në renditje, ne duhet të bëjmë punën tonë. Skuadra bëri atë që duhet të bënte, nganjëherë luan mirë nganjëherë jo.
Në ndeshjet e Laçit e pamë të gjithë se çfarë ndodhi dhe duhet të kemi vazhdimësi. Nesër nuk do të shkoj ta shoh ndeshjen e Tiranës siç bëra herën e kaluar.” – u shpreh Colella.
