Opozita serbe ka përhapur në rrjetet sociale lajmin se presidenti i Serbisë, Aleksander Vuçiç nuk është mirë, e se është shtruar në spital me urgjencë. Duke shpresuar që Vuçiç të mos mbijetojë, opozitarët filluan të uronin për vdekjen e tij, raportojnë mediat serbe.
Dragan Vidakoviç, presidenti i lëvizjes opozitare, ka shkruar në Twitter se ka dëgjuar se Vuçiç është në spital dhe se shpreson se “Zoti do të na shikojë”.
Sapo mora një telefonatë nga VMA, presidentin e sollën me urgjencë. Hera e dytë në 20 ditët e fundit. Këtu e lus Zotin të na shikojë – shkruan Vidakoviç.
Në orët e fundit, disa komentues kanë shkruar të njëjtat gjëra për këtë çështje.
