Pesë shtetas janë proceduar në gjendje të lirë, ndërsa akuzohen për vepra të ndryshme penale.
Për këta shtetas ka nisur hetimi pasi mbi ta rëndëojnë akuza nga lënda narkotike e mashtrimi. Specialistët për Hetimin e Narkotikëve Fier referuan materialet në Prokurori për shtetas të moshës 30-57 vjeç. Ka nisur procedimi në gjendje të lirë për shtetasit E. L., 39 vjeç dhe Ll. P., 30 vjeç, pasi posedonin lëndë të dyshuar narkotike kanabis.
Po kështu për shtetasin K. Dh., 54 vjeç, banues në Vajkan, pasi me anë të mashtrimit, i ka marrë një shumë parash një shtetaseje dhe nuk ia ka kthyer më. 57 vjeçari Sh. K., dyshohet se me vetëgjyqësi, ka penguar shtetasin L. M., për të marrë pajisjet në pronësi të tij. Po me vetëgjyqësi, shtetasi A. C., 46 vjeç, i ka marrë një shumë parash shtetasit D. Gj., me pretendimin se ky i fundit ia kishte borxh.
Njoftimi i policisë:
“Specialistët e Seksionit për Hetimin e Narkotikëve të DVP Fier referuan materialet në Prokurori dhe nisi procedimi në gjendje të lirë për shtetasit E. L., 39 vjeç dhe Ll. P., 30 vjeç, të dy banues në Fier, pasi gjatë kontrolleve fizike, nga shërbimet e Policisë, iu gjetën doza lënde të dyshuar narkotike kanabis.
Specialistët për Hetimin e Krimeve të DVP Fier referuan materialet në Prokurori dhe nisi procedimi në gjendje të lirë për shtetasin K. Dh., 54 vjeç, banues në Vajkan, pasi dyshohet se me anë të mashtrimit, i ka marrë një shumë parash, një shtetaseje dhe nuk ia ka kthyer më.
Specialistët për Hetimin e Krimeve të Komisariatit të Policisë Fier referuan materialet në Prokurori dhe nisi procedimi në gjendje të lirë për shtetasin Sh. K., 57 vjeç, banues në Fier, pasi dyshohet se me vetëgjyqësi, ka penguar shtetasin L. M., për të marrë pajisjet në pronësi të tij, nga magazina që i kishte dhënë me qira 57-vjeçari.
Specialistët për Hetimin e Krimeve të Komisariatit të Policisë Divjakë referuan materialet në Prokurori dhe nisi procedimi në gjendje të lirë për shtetasin A. C., 46 vjeç, banues në Mucias, Divajkë, pasi dyshohet se me vetëgjyqësi, i ka marrë një shumë parash shtetasit D. Gj., me pretendimin se ky i fundit ia kishte borxh.
Materialet procedurale i kaluan Prokurorisë, për veprime të mëtejshme.”
